Wann Dir just eng eenzeg Tastatur installéiert hutt an et net déi richteg ass, gitt esou vir, fir eng aner Tastatur z’installéieren.

Eng Tastatur ënner Windows 11 oder 10 derbäisetzen

Wann Dir eng Agabsprooch derbäisetzt, kënnt Dir eng Reiefolleg vun de Sprooche fir Websäiten an Applikatioune festleeën an d’Sprooch vun der Tastatur änneren.

1. Wielt de Knäppchen „Start“, dann „Einstellungen“ > „Zeit und Sprache“ > „Sprache“ (ënner Windows 11: „Sprache und Region“).
2. Ënner „Bevorzugte Sprachen“ wielt d’Sprooch mat der Tastatur, déi Dir wëllt, an dann „Optionen“. Wann Dir net wësst, wéi eng Tastatur Dir hutt: méi ënnen an dësem Artikel hu mir déi Tastaturen opgelëscht, déi zu Lëtzebuerg am meeschte benotzt ginn.
3. Wielt „Tastatur hinzufügen“ a sicht d’Tastatur eraus, déi Dir derbäisetze wëllt. Wann d’Tastatur, déi Dir wëllt, net an der Lëscht steet, musst Dir vläicht eng nei Sprooch derbäisetzen, fir méi Optiounen ze kréien. Wann dat de Fall ass, gitt op de Schrëtt 4.
4. Gitt zréck op d’Säit „Spracheinstellungen“ a wielt „Sprache hinzufügen“.
5. Wielt an der Lëscht d’Sprooch, déi Dir benotze wëllt, an dann „Weiter“.
6. Kuckt d’Sproochfunktiounen duerch, déi Dir astellen oder installéiere wëllt, a wielt dann „Installieren“.

Déi lescht Schrëtt fir Är Tastatur anzestellen

Uewe riets klickt op „Administrative Spracheinstellungen“

Am Tab „Verwaltung“ klickt op de Knäppchen „Einstellungen kopieren…“

Setzt en Haken an d’Këschten „Willkommensseite und Systemkonten“ an „Neue Benutzerkonten“

Bestätegt dës nei Konfiguratioun mam Knäppchen „OK“, dann nach eng Kéier „OK“, a maacht zum Schluss d’Fënster „Einstellungen, Sprache“ zou

Dës lescht Prozedur kopéiert d’Astellunge vun der Tastatur op de Rescht vum System. Esou hutt Dir och beim Umellen déi richteg Tastatur. Dat heescht, Dir musst sécher sinn, datt Dir Äert Passwuert fir d’Sessioun agetippt hutt, nodeems Dir déi richteg Tastatur agestallt hutt.
Soss, wann Dir Äert Passwuert mat der falscher Tastatur agitt, kann et sinn, datt d’Passwuert fir Windows falsch ass.